Leikfélagið efnir til stjörnuljósahátíðar milli jóla og nýárs. Herlegheitin hefjast kl. 20 þriðjudaginn 29. desember í Leikhúsinu. Þá opnum við húsið og skömmu síðar, um kl. 21, hefjast einstæð skemmtiatriði. Meðal þess sem í boði verður er jólabingó, leikþættir, keppni í leikspuna og söngnúmer. Léttar veitingar í fljótandi formi verða seldar við vægu verði og yfir, undir og allt um kring verður betri selskapur en aðrir geta boðið.

Hér er tækifærið til að sýna sig og sjá aðra og efla andann svo um munar. Aðgangur er ókeypis fyrir félagsmenn (þ.e. þá sem greitt hafa félagsgjöld) en gestir greiða 500 kr. Við biðjum gesti að staðfesta komu sína með því að senda póst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og/eða skrá sig á facebook-síðu hátíðarinnar sem sett verður upp á næstu dögum. Og muna eftir ærlegu hátíðarskapinu.

Síðastliðið föstudagskvöld (20/11) var opið hús í Leikhúsinu, annað af slíku í vetur. Að þessu sinni var litið um öxl og horft á búta úr nokkrum sýningum fyrri ára. Sýnd voru myndskeið úr Svörtum sólskinum frá 1986-1987, Á gægjum frá 1994 og leikfimisýningunni Íþróttungi á lýðveldishátíðinni á Þingvöllum árið 1994. Þá voru sýndar ljósmyndir úr ýmsum sýningum og viðburðum síðustu ár og leikskrár og blaðaumfjöllun lá frammi fyrir fólk að skoða.

Lesa nánar: Galopið hús

Rúi og Stúi sem dvalið hafa í Leikhúsinu síðan síðastliðið vor ætla nú að kveðja. Síðasta sýning á þessu bráðskemmtilega barnaleikriti verður sem sé næstkomandi sunnudag 22. nóvember kl. 14.00.

Rúi og Stúi fjallar um sérkennilega uppfinningamenn sem hafa fundið upp vél sem getur búið til eða lagað hvað sem er. Bæjarbúar eru afar ánægðir með vélina eins og gefur að skilja en blikur eru á lofti þegar vélin bilar og bæjarstjórinn hverfur. Samtímis fer skuggalegur karakter á kreik í bænum og undarlegustu hlutir fara að hverfa úr fórum bæjarbúa.

Þrijungur af innkomu fer til styrktar barna- og umgmennastarfi Kópavogsdeildar Rauða krossins.

 

Lesa nánar: Síðasta sýning á Rúa og Stúa

Annað opna hús vetrarins verður haldið í Leikhúsinu næstkomandi föstudag, 20. nóvember, og hefst kl. 20.30. Að þessu sinni ætlum við að snúa aftur til fortíðar, sýnd verða myndskeið úr nokkrum sýningum félagsins frá um 1990 og síðar. Einnig verða gamlar ljósmyndir og leikskrár úr fyrri verkum til sýnis. „Gamlir félagar“ eru því sérstaklega hvattir til að koma og hafa með sér myndir og annað minnisvert úr starfinu.

Við verðum með heitt á könnunni og gos til sölu en allir eru hvattir til að hafa eitthvað gómsætt með sér til að leggja á sameiginlegt kaffiborð.
Stefnt er að því að hafa slík opin hús að jafnaði mánaðarlega en þeim er ætla að efla félagsandann og gefa fólki tækifæri á að koma saman og spjalla.